«Жаңа Қазақстан- Әділетті Қазақстан»

«Жетісу облысы білім басқармасының Сарқан ауданы бойынша білім бөлімі» мемлекеттік мекемесінің «Аманбөктер негізгі орта мектебі мектепке дейінгі шағын орталығымен» коммуналдық мемлекеттік мекемесі бойынша 2022 жылдың 21 қазан күні 25 қазан Республика күніне орай мектепте 4 сынып оқушыларының жетекшісі Г. Сарыбаеваның ұйымдастыруымен «Жаңа Қазақстан- Әділетті Қазақстан» тақырыбында сынып сағаты өтті. Сынып сағатының мақсаты оқушыларға Республика күнінің маңызын ұғындыру. Оқушылардың бойына «Мәңгілік Ел» жалпыұлттық патриоттық идеясының құндылықтарын сіңіру, Отанға деген сүйіспеншіліктерін ояту, елін, жерін қадірлей білуге үйрету болды. Сынып сағаты оқушылардың өлең тақпақтарымен жалғасып, сынып жетекшілерінің сұрақтарына жауап берді. Сонымен қатар мектепте Республика күніне орай қабырға газеттері шығарылып, көркем еңбек пәні мұғалімінің ұйымдастыруымен сурет көрмесі өткізілді.